想信你可能開始諗緊有啲咩要帶去英國, 要寄幾多箱, 有啲咩可以去到先買, 啲半舊不新嘅傢俬帶定唔帶好… 我想同大家分享一個搬屋去英國嘅經驗!
以我住嗰區為例, 「可回收廢物♻️」(例如紙/玻璃/膠/食物殘渣)一星期收一次, 「普通圾垃」兩星期收一次, 其本上清潔工人只會收一般正常份量嘅廢物(即係可以放到入個回收膠箱或有轆大圾垃桶嘅份量), 如果你將一大堆紙皮/膠袋等等放喺屋門外, 佢地係會拒絕幫你拎走嘅!
咁你嗰堆廢物點算? 如果超級大量的話, 你有可能要俾錢啲公司嚟幫你收走佢! 如果少量而你又有車的話, 你可以上番你council個website搵吓你屋企附近邊度有re-use and recycle centre, 然後用你嘅方法將啲廢物運去棄置!
啲re-use and recycle centre係免費俾嗰個borough嘅居民棄置垃圾, 分類會更多, 例如傢俬, 鐵, 電器, 光管燈膽, 煮食油等等! 你喺張相裏面我就惟有將啲嘢盡量”質”入架車裏面, 自己車去再慢慢爬上啲貨斗頂掉入去!
♻️有咩方法可以減少廢物?♻️
你可以問吓你幫趁嘅搬運公司有無幫你掉紙箱嘅服務! 例如如果你買嘅pack & unpack service (即係工人幫你喺香港pack箱, 同埋去到英國unpack), 通常佢都會即刻幫你運走埋拆咗嘅紙箱!
喺香港有啲嘢如果介乎於要同唔要之間, 可以認真考慮喺香港掉咗佢或送俾人, 會好過你去到英國先掉!
一啲家庭電器(尤其是大型電器例如洗衣機)或者傢俬, 除非你肯定新屋一定會用得著, 或者剛剛買可以用多好多年的話, 否則都應該諗清楚先決定搬唔搬過去! 如果唔係, 去到一陣就壞咗, 或者原來租嗰間屋已經有齊電器同傢俬的話, 你搬過去嘅嘢就要傷腦筋點處置 (一係上網賤賣出去 / 或者要俾錢人地嚟回收)!
英國唔同borough有唔同安排, 你要check番有關回收垃圾等等有關安排
遊走英國FB page: www.facebook.com/travel.london.uk
遊走英國Blog: www.yaujauuk.com
🍺🍺 如果你覺得我嘅資訊有用, 希望你可以請我飲杯£3嘅啤酒, 俾少少鼓勵我! (支援ApplePay/Andriod Pay) 請click入👉 www.buymeacoffee.com/yaujauuk 🍺🍺
Topcashback Referral Link(免費登記)
Quidco Referral Link (免費登記, 仲有£10 sign-up bonus送俾你) www.quidco.com/raf/10294854
保護自己網上私隱, 避免行縱被洩露, 記住申請NordVPN, 詳情可以到
Comments