香港車牌換英國車牌攻略係其中一個最受歡迎嘅post, 喺facebook裏面有好多網友留comment問問題, 有見及此, 我將其中一啲問題歸納喺呢度等你哋可以一次過重溫番! 不過如果仲有其他問題, 歡迎喺facebook裏面留comment.....
Q: 想請問英國有沒有分 「棍波/自動波」車牌？本人只有1 & 2 號自動波車牌。/ 請問本身拎1號自動波牌，會轉到英國乜嘢牌呀？
A: 有分, 如果香港牌係1+2 auto (或者1 auto), 你換到嘅英國牌就會係Catergory B auto, 即係只可揸自動波車!
Q: 香港嘅2號牌可以係英國同樣地揸返5.5公噸以下嘅貨車？ 因為唔係好清楚英國係點樣分車牌！
A: 香港1+2牌可以換到UK Cat B牌, 可以揸max 3.5噸嘅車... 即係可以揸到transit van (下圖)
Q: 如果冇支票戶口可以用其他方法付費嗎
A: Post Office有一個叫Postal Orders服務, 類似幫你出張支票咁, 但係要收手續費的 (例如£10.00 - £99.99就要收票面價12.5%), 如果冇支票戶口又無朋友幫到你的話️, 就可以用呢個服務!
Q: 如果P牌可否轉英國車牌?
A: DVLA嘅網頁就無寫到咁仔細，但我爬過文見唔少人成功係P牌換到英國牌嘅！
另外我睇過香港政府網頁, 似乎要由P牌轉正式車牌係可以郵寄申請! 或者你可以由英國寄所需文件返香港，然後由家人/朋友幫你代收再寄過英國俾你... (因為2021年1月先開始申請BNO簽證, 咁最快過到去英國都可能等到要3月或4月, 加埋過到去等半年先換牌, 所以到時你個牌都已經夠期轉做正式香港牌啦!)
Q: 點解要攞「駕駛執照細節證明」去換牌? 就咁換唔得咩?
A: 我鼓勵大家寄埋「駕駛執照細節證明」去換牌, 原因係:
證明你個牌係喺香港考嘅 - 因為如果你個香港牌係由其他國家車牌換番嚟嘅, 未必可以換做英國牌 (即係唔可以換上換)
證明你牌齡 - 如果你牌齡超過10年, 而又只寄現有香港車牌去換, DVLA係只會用你車牌個expiry date減10年做你考到牌嘅日子, 而「駕駛執照細節證明」就有晒你考到牌嘅正確日子, 唔驚計錯!
如果到時你真係換唔到牌, 要喺英國寄張form返香港運輸署申請「駕駛執照細節證明」, 然後等屋企人喺香港收到再寄返英國俾你, 隨時要一個月, 如果可以預先預備嘅, 點解要冒呢個險呢?
香港運輸署 - 申請「駕駛執照細節證明」表格 TD320 (HK$160)
Remark: 同英國有車牌exchange agreements嘅designated country包括: Andorra / Australia / Barbados / British Virgin Islands / Canada / Falkland Islands / Faroe Islands/ Gibraltar / Hong Kong / Japan / Monaco / New Zealand / Republic of Korea / Singapore / South Africa / Switzerland / Zimbabwe
Q: 到咗英國幾耐先可以換牌?
A: 喺DVLA網頁裏面係寫"You’re normally a resident if you have a permanent address in Great Britain that you’ve lived in for at least 185 days.", 咁我會簡單演譯你逗留咗喺英國185日！(喺網上都有唔少成功未夠185日就換到車牌, 因為我未試過所以我就跟返DVLA嘅說法)
Q: 轉換後須要放棄香港車牌嗎?
A: 你寄俾DVLA嗰個香港車牌會被沒收，但你返香港時補領返個香港車牌就得！
Q: 轉換後須要放棄香港車牌, 如果有巴士/的士牌, 到時回港係咪可以有番?
A: 其實你只係DVLA佢沒收咗張車牌, 你返香港補領返香港車牌就得, 唔影響你原本考到嘅車種！
香港運輸署 - 駕駛執照複本 /駕駛教師執照複本申請表 TD106
Q: 請問年過70，在英國怎樣用香港車牌轉換英國車牌呢？
A: 喺DVLA嘅website無特別提及換車牌嘅年齡限制, 但係就有提及70歲以上嘅人就要每3年續一次牌..... 所以我估計年過70歲都係用相同方法換牌, 但係車牌就係得3年期, 要每3年續牌.....
有關70歲以上人士英國換牌參考: https://www.gov.uk/renew-driving-licence-at-70
Q: 請問香港車牌可以在英國直接使用嗎？還是要申請國際牌？
A: 根據DVLA說法，香港車牌喺頭一年係可以喺英國揸車，住滿一年要揸車就一定要換英國車牌！
不過我會建議你喺香港申請埋國際牌先去英國，因為喺歐洲其他國家揸車可能用得上，同埋有國際牌去租車基本上一定唔會被拒租，感覺上穩陣啲！
因為香港國際牌要喺香港先申請到, 如果離開咗香港一時間要用國際牌就會好麻煩！
香港運輸署 - 國際駕駛許可證申請表 TD51 (HK$80 有效期一年)
New! 最新制作嘅換車牌Youtube, 記住入去睇呀! 同時Subscribe埋呢個YouTube Channel!
遊走英國
🍺🍺 如果你覺得我嘅資訊有用, 希望你可以請我飲杯£3嘅啤酒, 俾少少鼓勵我! (支援ApplePay/Andriod Pay) 請click入👉www.buymeacoffee.com/yaujauuk🍺🍺
由宜家開始到2021年9⽉30號, ⽤遊⾛英國嘅呢條link https://www.topcashback.co.uk/cntravelld/ 喺Topcashback免費登記成為新⽤⼾, 只要喺登記後3個⽉內成功喺Topcashback到合作商⼾網⾴消費同埋成功取得回贈後(不限回贈⾦額), 就可以得到額外£10迎新現⾦回贈!!
注意
- 僅限第一次登記TopCashback英國站嘅新會員
- takeaways, freecashback等商戶除外
- 詳細請參閱網站嘅條款及細則用Wise (前身Transferwise)由香港轉錢去英國或者其他國家, 方便得嚟計埋手續都平過一般香港銀行嘅電匯價! 快啲click入去睇睇格吓價....
下面嘅Link開新嘅Wise戶口, 可以享受頭一次匯款HK$5000嘅免手續費優惠, 慳上慳!
申請NordVPN, 保障私隱之餘亦方便喺網上繼續去ViuTV, NowTV等等香港電視, 現有優惠US$89包24個月另加送3個月服務! 快啲用呢條link去申請或者了解吓詳情
想問，如果我拎P牌去到英國換咗英國牌，一年之後使唔使再喺香港換正式牌㗎
請問頭兩年只有6分可以扣的意思是指成功考到車牌計兩年？定還是不論有多年牌都好，換英國車牌計兩年？
你好，請問香港車牌可以在英國揸車一年，這一年時間是由入境英國開始計？還是由有車牌那一刻開始計？因為本人的情況是入境英國時是還沒有車牌的，入境英國半年後再返回香港考車牌，成功考到車牌再回英國揸車，所以不清楚我在香港考到車牌後返回英國是否可以揸車一年？希望你幫到我。謝謝
請問換英國牌要收香港牌，在收到英國牌期間無牌係手，這期間可以開車嗎？謝謝
想問 我係香港考完1仔2仔 我之後係美國考左電單車 返香港係我車牌度換埋3同22
如果我拎埋張駕駛執照細節證明書， 張證明書冇顯示我3同22係香港學同考 咁我去英國轉牌時會唔會有機會電單車轉唔到牌？
同埋張證明書究竟會顯示咩資料？我屸網搵唔到我既case 會點顯示係張證明書